De Kall mähnt: Uff de Buga

Zwar warisch schunn oft draußä uff de Buga, awwa die Woch binn isch aus äm schpezielleä Grund nausgfahrä. Isch mähn, dess iss jo schließlich känn roinä Vagnigungspark, sunnern ä gønz offizielli Bundesgaddeschau, also quasi ä ømtlischi Vaøschtaltung vumm Schtaat, do iss jo kwasi än Bildungsufftrag dähinna, gell.

Empfohlener redaktioneller Inhalt

An dieser Stelle finden Sie einen externen Inhalt, der den Artikel ergänzt.

Inhalte von Facebook, Instagram und externen Websites künftig automatisch anzeigen.

Inhalt anzeigen*

* Dadurch können personenbezogene Daten an Drittanbieter übermittelt werden.
Mehr dazu in unserer Datenschutzerklärung.

Misch hodd desdewegä mol intressiert, wieviel Auswärdischä do rumlaafä – unn ob die, wønn se schunn vunn weit her zum Blummäguggä uff Mønnem fahrä, a schproochlisch ä bissl dodevu profidierä. Also hawwisch die Leit øgschprochä, wo se dønn so her sinn, wass se sisch øguggä unn so weida. Isch waar baff, die Leit schoinä jo kä Koschdä unn Mihä zu schaiä, machä jo rischdisch weidä Reisä, um in unsa schänes Mønnem zu kummä. Vunn Wuppadal, aus Saarbriggä, Hannova unn vunn wo iwaarall sinn ma Leit begegänt, die bei härrlischem Wedda rischdisch Schpass bei uns khappt hawwä – unn sogar unserm Schpinelli-Konzept midd dä aldä Schdäbroggä vunn de Ømmi wass hawwä øføngä kennä. Hisdorischä Relikdä fer Eidechsä unn so weida finnä se gut,die Gaddäfreunde aus alla Herrä Lända. Unn die meischdä, hawwä soga de Schproochtest beschdønnä. Schließlich iss dess jo trotz allädäm unsa Buga, do muss ma sisch a schproochlisch ä bissl uff die Kurpalz oilossä, nädd wor? Tapfa hawwä se Mønnema Schprisch vunn Karteikätschä abgelesä, monschä sogar perfekt!

So ä Buga iss also eschdi Völkavaschtändischung. Wønn da wissä wollt, wie sisch des øheert, guckt eisch mol des Filmschä ø, dess ma dodriwwa gedreht hawwä!. Viel Schpass winscht

Kontakt: kall@mannheimer-morgen.de